أكثر من 23 جهاز مخابراتي في المغرب وماكايشوفوش الفساد ولوبيات الفساد

أكثر من 23 جهاز مخابراتي في المغرب زد على ذلك القوات الظاهرة من درك ملكي و امن وطني وقوات مساعدة و شيوخ و مقدمين و المريقية …كلشي ماشافوش مبديع ، ماشافوش رئيس البرلمان الطالبي وملفاته القضائية ، ما شافوش حالات المستشفيات في المغرب ، ماشافوش كاريانات الرمل و من يستفيد منهم ، ماشافوش المداخيل اديال الفوسفاط فين كاتمشي، ما شافوش الصفقات التي تمر امامهم، ما شافوش شكون لكيخرج فلوس المال العام للخارج، ماكايشوفوش سيارات الاسعاف الغير المجهزة، ما كايشوفوش الدعم اديال الجمعيات و فين كايمشي، ما كايشوفوش اش جاري في القنصليات المغربية و السفارات و الفساد فيها، ما كيشوفوش الفساد اديال المنتخبين، ما كايشوفوش سماسرة المحاكم و سماسرة الوظيفة و سماسرة الاوراق الادارية، ما كايشوفوش القروض الدولية التي تدخل بالملايين للمغرب للتنمية للشعب لكن لا تنمية لا سيدي زكري، ما كايشوفوش اشحال من فيديوهات اديال المواطنين باغين حقوقهم ، ما كايشوفوش اين الثروة؟ واخا الملك سول اين الثروة؟ ما حقوش و جبدو لينا شكون سرق الثروة اديال البلاد؟ ما كايشوفوش الحسابات البنكية اديال الفاسدين، ما كايشوفوش السيارات الفخمة التي تجوب الشوارع، و الاطفال المشردون و النساء و العجزة الذين يلتجئون للشارع للمساعدة، ما كايشوفوش ان آلاف المغاربة في الغربة كا يدافعوا على البلاد و ماقادرينش ييدخلو البلاد بسبب لوبيات الفساد ، ما كايشوفوش الاجيال الحالية مدمرة بالمخدرات و الكحول و بدون شغل و لا تعليم عمومي جيد، ما كايشوفوش المال العام كيطير امامهم….كايشوفو فقط التدوينات التي تحارب الفساد و اللوبيات الفاسدة… و ماذا يكتبون من تقارير ؟ و من يراقب ما يكتبون؟ لان التقارير المغلوطة كثرت لان الضحايا من المواطنين كثروا ، و الفساد و اللوبيات الفاسدة كثرت … والسجون امتلأت بالابرياء و الشباب و القضايا الملفقة، و الحقوقيين و الصحفيين، و المدونين، و الغيورين على الوطن… مع كامل الاحترام للنزهاء …و الشرفاء منهم …الذين يقومون بعملهم على احسن وجه..

مجرد رأي حر/ صوت المغرب نيوز